Yığmamız Malta ilə heç-heçə oynadı

Azərbaycanın futbol yığması Avro-2016 seçmə mərhələsi çərçivəsində növbəti görüşünü Maltaya qarşı keçirib.

Oxu.Az xəbər verir ki, görüş 2:2 hesabı ilə başa çatıb.

36-cı dəqiqədə Rahid Əmirquliyev hesabı açıb. 55-ci dəqiqədə Maykl Mifsud hesabı bərabərləşdirib, 71-ci dəqiqədə isə Alfred Effionq vurduğu qolla Malta yığmasını irəli çıxarıb.

80-ci dəqiqədə Rahid Əmirquliyev tarazlığı bərpa edib.
Azərbaycan yığması əvvəlki kimi 6 xalla öz qrupunda 5-ci yerdədir.