Gəncə-Daşkəsən yolunda qətliam kimi qəza: 2 "Jiquli", 8 ölü... – VİDEO

Göygöl rayonunda ağır yol qəzası nəticəsində ölən və yaralananların adları məlum olub.

Virtualaz.org-un məlumatına görə, bunlar Daşkəsən rayon sakinləri - 1995-ci il təvəllüdlü Eldəniz Gəray oğlu Həsənov, 2018-ci il təvəllüdlü Rübab Eldəniz qızı Həsənova, 1934-cü il təvəllüdlü Firəngiz Dəmir qızı Orucova və 1958-ci il təvəllüdlü Nahidə Qəzənfər qızı Orucova (hamısı "VAZ-2107" markalı avtomobildə olublar), həmçinin 1986-cı il təvəllüdlü Aslan Əbülfət oğlu Camalov, 1949-cu il təvəllüdlü Həmid Səməd oğlu Bayramov, 1995-ci il təvəllüdlü Sevinc Mehman qızı Camalova və 2016-cı il təvəllüdlü Hüseyn Aslan oğlu Camalovdur.

Bundan əlavə, Gəncə şəhər sakini, 1991-ci il təvəllüdlü Ruhiyyə Ramiz qızı Həsənova xəsarət alıb. O, ağır vəziyyətdə xəstəxanaya yerləşdirilib.

* * *14:30

Göygöl rayonunda ağır yol qəzası baş verib. Hadisə Gəncə-Daşkəsən avtomobil yolunun Göygöl rayonu ərazisindən keçən hissəsində qeydə alınıb.

Belə ki, Daşkəsən rayon sakini Eldəniz Gəray oğlu Həsənovun idarə etdiyi "VAZ-2107" markalı avtomobil Aslan Əbülfət oğlu Camalovun idarə etdiyi "VAZ-2106" markalı maşınla toqquşub.



Səhiyyə Nazirliyinin mətbuat katibi Pərviz Abubəkirov virtualaz.org-a bildirib ki, nəticədə üçü qadın, üçü kişi, ikisi azyaşlı olmaqla 8 nəfər ölüb. 1 qadın isə Gəncə şəhər xəstəxanasına yerləşdirilib.

Faktla bağlı araşdırma aparılır.