Batumidə oteldə baş vermiş yanğında 4 nəfər həlak olub

Batumidə “Leogrand” hotelində baş vermiş yanğın nəticəsində 4 nəfər ölüb. Xəsarət alanların sayı 10-a çatıb.

Xəstəxanaya çatdırılan şəxslərin arasında xarici vətəndaşlar da var. Hələlik onların hansı ölkə vətəndaşları olduqları məlum deyil.

Hadisə yerində olan Batumi şəhərinin meri Laşa Komaxidze deyib ki, hoteldən təxliyə olunmuş insanlar digər hotellərə yerləşdirilir. Onun sözlərinə görə, yanğın zamanı ölən 4 nəfərin şəxsiyyəti müəyyənləşdirilir.