Qadınların cəmiyyətdə rolu – FOTO

22 Noyabr 2016-cı il tarixində Almaniya Beynelxalq Əməkdaşlıq cəmiyyətinin Yerli Özünüidarəetmə Proqramının, bələdiyyələrdə təmsil olunan qadınların rolunun yaxşılaşdırılması üçün nəzərdə tutulan DAYAQ Mentorluq layihəsinin iştirakçılar üçün verdiyi kiçik maliyyə vəsaiti ilə Biləcəri bələdiyyə üzvü Xanım Zeynalovanın "Qadınların cəmiyyətdə rolu" adlı dəyirmi masa həyata keçirmişdir.

AzNews.info xəbər verir ki, tədbir Biləcəri Bələdiyyəsinin inzibati binasında həyata keçdi. Tədbirdə biznes konsultant və təlimçi Ənvər Yavəroğlu və Binəqədi Rayonunun ictimai həyatının fəal xanımları iştirak edirdilər. Tədbiri giriş sözü ilə açan Xanım Zeynalova qonaqları salamlayaraq Respublikamızda həyata keçirilən uğurlu qadın siyasətindən və qadınların cəmiyyətdəki rolundan, məqsəd və vəzifələrindən bəhs etdi.Daha sonra söz Ənvər Yavəroğluna verildi. O xanımların cəmiyyətin sosial və siyasi həyatında aktiv iştirak etmələri üçün öz daxili potensiallarını kəşf etmeli olduğunu və bunu düzgün istiqamətləndirilməli olduqlarını vurğuladı,daha sonra liderlik etiketi və xarakter analizi haqqında 2 hisseden ibarət təlim keçdi.

Tədbir diskussiya şəklində davam etdi.
Sonda xatirə şəkli çəkildi və tədbir yekunlaşdı.