Sorğu: Rusiyalılar Putinin 2018-ci ildə yenidən seçilməsinin tərəfdarıdırlar

Rusiyalıların, demək olar ki, (63%) üçdən ikisi Vladimir Putini 2018-ci ildən sonra da Rusiyanın prezidenti postunda görmək istəyirlər, bu göstərici son dörd ildə maksimal göstəricidir.

Oxu.Az xəbər verir ki, bu barədə “Vedomosti” qəzeti “Levada mərkəz”in sorğusuna istinadən məlumat yayıb.

Tədqiqatların gedişatında yalnız 19% Putinin yenidən seçilməsini istəmədiklərini bəyan ediblər. Bununla yanaşı, sorğuda iştirak edənlərin yalnız 26%-i (2012-ci ildə bu göstərici 49% idi) 2018-ci ilə qədər Rusiyada Putini əvəz edə biləcək liderin meydana gələcəyini hesab edirlər.

“Krımı birləşdirərək hakimiyyət Rusiyanın dövlət kimi dirçəldiyini göstərir, bu milliyyətçilik üzərində isə vəziyyət tamamən dəyişdi”, - sorğunun nəticələrini “Levada-mərkəz”in sosioloqu Denis Volkov bildirib.

Yanvarda dövlət başçısının mətbuat katibi Dmitri Peskov hazırkı prezident Vladimir Putinin 2018-ci ildə namizədliyini irəli sürəcəyi barədə hələ qərar qəbul etmədiyini demişdi.