Putinin fəaliyyətindən demək olar ki, bütün Rusiya razıdır

Levada-mərkəzin sorğusunun yekunlarına görə, vətəndaşların 85%-i Vladimir Putinin Rusiyanın prezidenti vəzifəsində fəaliyyətindən razıdır.

Oxu.Az xəbər verir ki, bu barədə İnterfaks məlumat yayıb.

Bu göstərici ikinci aydır ki, saxlanılır.

Bununla yanaşı, sorğuda iştirak edənlərin 14 faizi Putinin fəaliyyətindən narazıdır.

Noyabrın sonunda da vətəndaşların 85 faizi Vladimir Putinin prezident postunda fəaliyyətindən razı idi.

Bununla yanaşı, Dmitri Medvedevin Rusiyanın hökumət başçısı vəzifəsində fəaliyyətindən vətəndaşların 61 faizi razı, 37 faizi isə narazıdır.