Amerikalı, ukraynalı və türklər rusların əsas düşmənləridirlər – SORĞU

Rusiyalılar ABŞ, Ukrayna və Türkiyəni əsas düşmən hesab edirlər.

Oxu.Az xəbər verir ki, “Vedomosti” qəzetinin yaydığı məlumata görə, bunu “Levada-Mərkəz”in vətəndaşların digər dövlətlərə qarşı münasibətinə dair apardığı son sorğusunun nəticələri göstərir.

Vətəndaşların əksəriyyətinin (72%) fikrincə, Rusiyaya qarşı düşmən münasibəti ABŞ göstərir.

İkinci yerdə Ukraynadır (48%, 2015-ci ildə anaoloji sorğunun nəticələrində bu göstərici 37% idi).

Sorğuda iştirak edənlərin 29%-nin fikrincə, üçüncü yeri Türkiyə tutur (keçən il sorğuda iştirak edənlərin yalnız 1%-i belə hesab edirdi).

Vətəndaşların fikrincə, Rusiyanın əsas dostları Belarus (50%), Qazaxıstan (39%) və Çindir (34%, halbuki, bu göstərici keçən il 43% idi).

Sorğuda iştirak edənlərin əksəriyyəti ABŞ (70%) və Avropa İttifaqına pis münasibət bəsləyir (62%).