Psakidən Gülən cavabı – VİDEO

Amerika Birləşmiş Ştatlarının Dövlət Departamentinin mətbuat katibi Cen Psaki keçirdiyi brifinq zamanı Türkiyə məhkəməsinin Fətullah Gülənə həbs qərarı çıxarması ilə bağlı sual ünvanlayıb. ANS TV-nin məlumatına görə, amerikalı jurnalist Psakiyə “Türkiyə hökuməti haqqında həbs qərarı çıxardığı Fətullah Gülənin təhvil verilməsini istəyib və ABŞ Güləni təhvil verə bilərmi?” sualını ünvanlayıb.

Bunun cavabında Cen Psaki bir ölkə olaraq bu cür suallara cavab vermədiklərini bildirib.
“Xəbərləri görmüşük. Siyasətimizlə bağlı olaraq Dövlət Departamenti heç vaxt təhvil tələbləri ilə bağlı açıqlama vermir, təhvil tələbinin edildiyini təsdiqləmir və ya inkar etmir. Təfərrüatları Türkiyə hökumətindən soruşmalısınız”- deyə Psaki jurnalistin sualını cavablandırıb.

İstanbul məhkəməsi dünən hazırda ABŞ-da olan “Nurçu camaatı"nın lideri Fətullah Gülən barəsində həbs qərarı çıxarıb. Gülən “terror təşkilatına liderlik etmək”də günahlandırılır.