Yunanıstana gedən turistlərə nağd pul xəbərdarlığı

Avropa ölkələrinin rəsmiləri Yunanıstana səyahət etməyi planlaşdıran vətəndaşlarına müraciət edib.

Oxu.az xarici mətbuata istinadən xəbər verir ki, bu müraciətlər arasında əsasən, "yanınıınızda kifayət qədər nağd pul saxlayın" ifadəsi yer alır.

Qeyd edək ki, bu cür xəbərdarlıqla artıq Niderland, Norveç və İsveç Xarici İşlər Nazirliyi çıxış edib.

Xatırladaq ki, Yunanıstan hökuməti ölkə vətəndaşlarının banklardakı hesablarından nağd pul çıxarmasını tamamilə əngəlləyib.

Avropa ölkələri də Yunanıstanda baş verən iqtisadi vəziyyətlə əlaqədar olaraq öz vətəndaşlarına (Yunanıstana səfər etməyi planlaşdıran) adıçəkilən məzmunlu xəbərdarlıq edib.

Məlumat üçün bildirək ki, iyunun 30-da Yunanıstan BVF-yə 1,6 milyard avro həcmində olan borcunu ödəməlidir əks təqdirdə ölkə defolt elan edilərək, avrozonadan çıxarılacaq.