Gürcüstan Ermənistanı müvəqqəti olaraq qazsız qoydu

“Qazprom Ermənistan” şirkətini rəsmən xəbərdar ediblər.

Rusiya təbii qazının Gürcüstan ərazisindən Ermənistana nəqli iyulun 10-dan avqustun 10-na qədər müvəqqəti olaraq dayandırılıb.

Oxu.Az “Novosti-Armeniya”ya istinadən xəbər verir ki, bu barədə “Qazprom Armeniya” şirkəti məlumat yayıb.

Gürcüstanın qaz şirkəti “Qazprom Ermənistan” şirkətini iyulun 10-dan avqustun 10-na qədər zədələnmiş sahələrin təmiri ilə əlaqədar müvəqqəti olaraq dayandırılacağına dair rəsmən xəbərdar edib.

Ermənistan istehlakçılarının fasiləsiz olaraq təbii qazla təminatı Abovyan stansiyasının ehtiyatları hesabına həyata keçiriləcək.