Afrikanın ən yaxşısı kim olacaq?

"Afrikanın 2014-cü il üçün ən yaxşı futbolçusu adı uğrunda 5 namizəd yarışacaq.

ANS PRESS-in məlumatına görə, siyahıya 2013-cü ilin qalibi Yaya Ture daxildir. O, ardıcıl olaraq altıncı ildir bu ada namizəd göstərilir.

Həmçinin siyahıda Pyer-Emerik Aubameyanq, Yasin Brahimi, Vinsent Enyeama və Jervinyo da yer alıb.

Azarkeşlər Afrikanın ən yaxşı futbolçusunu online formada bbcafrica.com saytı vasitəsilə müəyyənləşdirəcəklər.

Qalib bu il dekabrın 1-də elan olunacaq.