Rəşad Sadıqov: Məşqçilərdən heç kim bizə bu qədər inanmamışdı

Azərbaycan futbol yığmasının kapitanı Rəşad Sadıqov milli komandanın məşqçisini xarakterizə edib.

“O, bizə inanır. İnanır ki, biz yaxşı oynayacağıq və nəticələr əldə edəcəyik. – Oxu.Az UEFA-nın rəsmi səhifəsinə istinadən futbolçunun sözlərindən sitat gətirir. – Bu, psixoloji planda çox vacibdir.

Norveç ilə oyuna yola düşməzdən əvvəl Prosineçki dedi ki, biz ən azı bir xal qazanacağıq və o yanılmadı (matç sıfır heç-heçəsi ilə başa çatdı). Mənim yığmadakı karyeram boyu, məşqçilərdən yəqin ki, heç kim bizə bu qədər inanmamışdı”.