Azərbaycan boksda üç qızıl medal qazandı

Avropa Oyunlarında boksçuların final döyüşləri keçirilir.

Oxu.Az xəbər verir ki, artıq idmançılarımız dörd finaldan üçünü başa vurublar.

Albert Səlimov (60 kq) fransız Sofian Oumixə, Pərviz Bağırov isə (69 kq) rusiyalı Aleksandr Besputinə qalib gəlib.

Digər boksçumuz Abdulqadir Abdullayev isə (91 kq) final döyüşünü keçirmədən qalib elan olunub - onun döyüşməli olduğu erməni əsilli Ukrayna boksçusu Qevorq Manukyan sağlamlığı ilə əlaqədar rinqə çıxmayıb.

Xaybulla Musalov (75 kq) finalda irland Maykl O'Reyliyə məğlub olub və gümüş mükafat qazanıb.

Beləliklə, Azərbaycanın hazırda 21 qızıl, 15 gümüş və 20 bürünc medalı var.