Bakı-2015: Qılıncoynadanlarımız mübarizəni dayandırdı – CANLI

Oxu.Az xəbər verir ki, sablyaçı qadınlardan ibarət yığmamız 1/4 finalda Rusiyaya 19:45 hesabı ilə uduzaraq, yarımfinala yüksələ bilməyib.

Kişi şpaqaçılar da yarımfinala yüksələ bilməyərək, 1/4 finalda dayanıb. Rusiya ilə üz-üzə gələn komandamız 18:45 hesabı uduzub.

09:57

Bakı-2015 Avropa Oyunlarında qılıncoynatma üzrə yarışların 4-cü günüdə komanda yarışları keçirilir.

Oxu.Az-ın məlumatına görə, Azərbaycana bu yarışlarda iki komanda ilə təmsil olunacaq. Millilərimiz 1/4 finalda qüvvəsini sınayacaq.

Sablyaçı qadınlardan ibarət yığmamız Rusiya ilə görüşəcək. Qalib gələn tərəf yarımfinalda Rumıniya ilə münasibətlərinə aydınlıq gətirəcək.

Kişi şpaqaçılar da Rusiya ilə üz-üzə gələcək. Komandamız qalib gəlsə, növbəti mərhələdə İtaliya ilə görüşəcək.