Bakı 2015: Teymur Məmmədov 1/4 finalda – YENİLƏNİB

Bakı-2015 birinci Avropa Oyunlarında kişi boksçuların yarışında yarım-ağır çəki dərəcəsində (81 kq) mübarizə aparan idmançımız Teymur Məmmədov növbəti döyüşünə çıxıb.

Oxu.Az-ın məlumatına görə, 1/8 final mərhələsində polşalı boksçu Yordsan Kulinskini 3:0 hesabı ilə məğlub edib və 1/4 finala yüksəlib.

19:27

Avropa Oyunları çərçivəsində boks üzrə 75 kq çəkidə qadınlar arasında yarışlar başlayıb.

Oxu.Az xəbər verir ki, Azərbaycanı bu çəkidə təmsil edən Leyla Cavadova 1/8 finalda rusiyalı Yaroslava Yakuşina ilə üz-üzə gəlib.

Gərgin keçən görüş boksçumuzun məğlubiyyəti ilə başa çatıb. Cavadova 0:2 (38:38; 36:40; 37:39) hesabı ilə uduzub.

15:52

56 kq çəki dərəcəsində Tayfur Əliyev 1/8 rumıniyalı Anderiana Nikola görüşüb.

Oxu.Az xəbər verir ki, Əliyev 3:0 hesabı ilə məğlub edərək, 1/4 finala vəsiqə qazanıb.

14:45

Bu gün Avropa Oyunlarında boks yarışları keçirilir.

Oxu.Az xəbər verir ki, Azərbaycanı 5 idmançı təmsil edir. Bunlardan 3-ü kişi, 2-si qadın olacaq.

Artıq, qadınlar arasında 48-51 kq yüngülvari çəki dərəcəsində ölkəmizi təmis edən Anaxanım Ağayevə məğlub olub.

Ağayevə polşalı Drabik Sandra ilə mübarizədə 0-3 hesabı ilə uduzub.

Qadınlar arasında 69-75 kq orta çəkidə Leyla Cavadova rinqə çıxacaq. Onun rəqibi rusiyalı Yakoşina Yaroslava olacaq.

56 kq çəki dərəcəsində 1/8 finalda Tayfur Əliyev rumıniyalı Anderiana Nikola ilə üz-üzə gələcək.

81 kq-da Teymur Məmmədov da 1/8 final görüşünə çıxacaq.

91 kq-da Məhəmmədrəsul Məcidov mübarizəyə start verəcək. O, 1/8 final mərhələsində gürcüstanlı Mixeil Baxtidze ilə görüşəcək.