Alman qadınlar yarımfinala hazırlaşır

AzNews.info xəbər verir ki, Bakı İdman Zalında Almaniyanın stolüstü tennis üzrə millisi Rusiyanı 3-0 məğlub etdi. Bundan sonra yarışın favoritinə çevrilən Almaniya yarımfinalda Çexiya ilə görüşəcək.

Çexlər isə 1/4 finalda Fransanı 3-1 hesabla udmaqla sübut etdilər ki, bundan əvvəl Avstriya üzərində qələbə təsadüfi deyilmiş.

Ukrayna 1/4 finalda İsveç üzərində 3-0 qələbə qazanaraq yarımfinala vəsiqə əldə edib. Ukraynanın növbəti rəqibi hollandiyalı stolüstü tennisçilərdir. Öz növbəsində hollandlar Polşanın stolüstü tennisçilərə 3-2 hesabı ilə qalib gəlməklə özlərinə yarımfinalda yer təmin ediblər.

Qadınlar arasında stolüstü tennis üzrə yarımfinal görüşü bu gün baş tutacaq.