Ledi Qaqa Bakıya neçəyə gəldi? – VİDEO

Dünyaşöhrətli Ledi Qaqa Bakıda keçirilən möhtəşəm açılış mərasimindəki çıxışı üçün nə qədər vəsait alıb? ANS PRESS-in məlumatına görə, ifaçının qısa müddətli çıxışı üçün ona 2 milyon dollar ödənilib.

Bu barədə eurosport yazıb. Saytda yer alan məqalədə qeyd edilir ki, Bakı Şərqi Avropanın ən zəngin şəhərlərindən biridir.

Ötən həftəniun cümə günü baş tutan möhtəşəm açılış mərasimi haqqında yazan sayt qeyd edib ki, Ledi Qaqa güllərlə bəzədilən piano arxasında ifa edib.

Xatırladaq ki, Açılış Mərasimində Ledi Qaqanın çıxışı son ana kimi sirr saxlanılıb. İdmançıları salamladıqdan sonra o səhnəyə dəvət edilib. İfaçı səhnəyə ağ uzun geyimdə çıxıb. Onun üçün xüsusi olaraq hazırlanan və güllərlə bəzədilən piano arxasında idmançılar üçün “İmagine” (Xəyal Et) mahnısını səsləndirib.