Ledi Qaqa Madonnaya “ilişdi”

Müğənni Ledi Qaqa pop-ulduz Madonnanı gənc artistlərə qarşı laqeyd münasibət göstərməkdə ittiham edib.

ANS PRESS-in məlumatına görə, Ledi Qaqa Madonnanı yeni istedadlı gəncləri dəstəkləmədiyinə görə tənqid edib.

Ledi Qaqanın sözlərinə görə, Devid Boui, Freddi Merkuri və Maykl Cekson onun öz ifa tərzi və musiqi zövqünə birbaşa təsir edən sənətçilər olub. Əgər Madonnanın gənc artistlərə belə münasibəti olmasaydı, o, Madonnanı da həmin siyahıya salardı.

“Bəli, mən Madonnanı əlavə edərdim, amma mənə nə isə mane olur. Əgər mən şou-biznesdə onun qədər önəmli fiqur olsaydım, mən mütləq başlayan musiqiçilərə kömək edərdim”, - deyə Ledi Qaqa bildirib.

Bir neçə müddət əvvəl isə Madonnanın özü “məndən iki addım geridə” (“Two steps behind me”) mahnısı ilə Ledi Qaqanı tənqid edib. “Sən məni yamsılayırsan, bəs mənim müəlliflik hüquqlarım hardadır? Yenə də, sən nə etsən də heç vaxt ən ola bilməzsən”, - deyə Madonna bildirib.