Braziliyalı ulduz "Fənərbaxça"ya gəlir

Türkiyənin "Fənərbaxça" klubu braziliyalı ulduzu transfer etmək istəyir.

ANS PRESS-in məlumatına görə, İstanbul təmsilçisi braziliyalı futbolçu Danteni heyətinə qatmaq niyyətindədir.

Almaniyanın "Bavariya" klubunda çıxış edən 31 yaşlı təcrübəli yarımmüdafiəçi heyətə düşməkdə çətinlik çəkir. Məhz bu səbəbdən futbolçunun klubdan gedə biləcəyi güman edilir.

Gələcək mövsüm Çempionlar Liqasında uğur qazana bilmək üçün yeni heyət qurmağı istəyən "Fənərbaxça" isə futbolçu üçün "Bavariya" ilə danışıqlara başlayacaq.

Qeyd edək ki, "Bavariya" ilə müqaviləsi davam edən Danteni digər nüfuzlu klublar da heyətinə cəlb etmək istəyir.