"Real"ın ulduzu "Bavariya" yolunda

"Bavariya" "Real Madrid"in futbolçusu Xavi Alonsonu transfer etmək üzrə olduğunu təsdiqləyib.

ANS PRESS-in məlumatına görə, Alonso bu gün sağlamlıq testindən keçdikdən sonra özünü rəsmi olaraq "Bavariya"ya bağlayacaq müqaviləyə imza atacaq.

32 yaşlı futbolçu ilə müqavilə şərtlərində razılaşdığını açıqlayan "Bavariya" rəhbərliyi isə transferə görə "Real Madrid"ə 6,5 milyon avro pul ödəyəcək.

Alman mətbuatı Xavi Alonsonun "Bavariya"dan illik 10 milyon avro qazanacağını iddia edir. 2009-cu ildə "Liverpul"dan ayrılaraq "Madrid" klubuna transfer olan Alonso, bu mövsüm ilk 11-dəki dəyişməz yerini itirmə təhlükəsiylə qarşı-qarşıya qalmışdı.

Alonso Toni Kroosun transferindən sonra komandadan ayrılma istəyini "Real Madrid" rəhbərliyinə çatdırmışdı.