"Qəbələ" ilk qələbə üçün...

Bu gün Avropa Liqasında qrup mərhələsinin 6-sı - son turunun oyunları keçiriləcək. Futbolinfo.az xəbər verir ki, təmsilçimiz "Qəbələ" də növbəti matçına çıxacaq.

"Qırmızı-qaralar" evdə "Krasnodar"ı qəbul edəcək. Roman Qriqorçukun yetirmələri üçün bu görüş formal xarakter daşısa da, onlar qalib gəlməklə, ən yaxşı halda qrup üçüncüsü ola bilərlər. Rusiya klubu üçün isə qələbə qrup mərhələsini zirvədə başa vurmaq mənasında, vacibdi.

Krasnodardakı oyunda rəqibinə 1:2 hesabı ilə uduzan Roman Qriqorçukun yetirmələri bu dəfə qələbə sevinci yaşamaq istəyir. Çünki indiyə kimi qrupda iki heç-heçə, üç məğlubiyyət alıb.

Avropa Liqası
Qrup mərhələsi, VI tur

10 dekabr

C qrupu
22:00. “Qəbələ” (Azərbaycan) – “Krasnodar” (Rusiya)
Baş hakim: İstvan Kovaç, Mikloş İstvan Naqi, Florin Marinesku, Pavel Kristian Balay, Marius Avram, Mihay Ovidiu Artene (hamısı Rumıniya)
Hakim-inspektor: Kay Natri (Finlandiya)
UEFA nümayəndəsi: Skot Struters (Şotlandiya)
Bakı. "Bakcell Arena"