Andrey Panyukov: Azərbaycandan məğlubiyyət utancvericidir

Rusiyanın gənclərdən ibarət yığmasının hücumçusu Andrey Panyukov komandasının Avropa çempionatı 2017-nin seçmə mərhələsi çərçivəsində Azərbaycan yığmasına (0:3) məğlub olmasından danışdı.

“Düzünü desəm, Azərbaycana, həm də 0:3 hesabı ilə məğlub olmağımıza inanmıram.

Utancvericidir? Bəli. Hamı şokdadır.

Mən istərdim ki, hətta məğlubiyyətdən sonra belə bir komanda olaraq qalaq. Rəqibin iki məqamı, üstəgəl penalti və sonda üç qol. Bizim üçün çoxlu məqam yarandı, amma bir qol da vurmadıq” - Oxu.Az futbolçunun “Sovetski sport”a dediyi sözlərindən sitat gətirir.