Bağdadda partlayışlar: 19 nəfər həlak oldu

Bağdadın əsasən şiələrin yaşadığı rayonlarında baş verən iki partlayış nəticəsində 19 nəfər həlak olub.

Oxu.Az RİA Novosti-yə istinadən xəbər verir ki, ilk avtomobil Bağdadın Əl-Cadidə rayonunun izdiham olan küçəsində partlayıb. Partlayışın qurbanı 17 nəfər olub, 43 nəfər isə yaralanıb, onların əksəriyyəti mülki vətəndaşlardır.

Daha bir partlayış isə Bağdadın cənubunda Zafaraniya rayonunda baş verib, iki nəfər həlak olub, doqquz nəfər xəsarət alıb. Partlayışa görə məsuliyyəti hələ heç bir qruplaşma öz üzərinə götürməyib.

İyulun 18-də Ramazan şənlikləri zamanı “İslam dövləti” ekstremist qruplaşması İranın Bani-Saad şəhərində terror aktı törədib, 120 nəfər bu terror aktının qurbanı olub.