İraqda partlayış: 21 ölü, 50 yaralı

İraqda Ramazan ayının başa çatması qeyd olunarkən partlayış baş verib, nəticədə 21 nəfər ölüb. Bu barədə Reuters məlumat yayıb.

Oxu.Az xəbər verir ki, bomba quraşdırılmış avtomobil Bağdadın 30 kilometr şimal-şərqində Xan-Bani-Saad şəhərində insanların çox olduği bazarda partlayıb.

Partlayış nəticəsində ən azı 50 nəfər yaralanıb.

Məlumata əsasən, ölənlər və yaralananlar Ramazan ayının başa çatmasını qeyd edirdilər.