Neftlə dolu iki sistern relsdən çıxdı

Tiflisdə neftlə dolu iki sistern relsdən çıxıb.

AzNews.info-nun APA-ya istinadən məlumatına görə, Tiflis Fövqəladə Hallar Departamentindən bildiriblər ki, hadisə baş verən zaman əraziyə neft dağılmayıb.

Bir neçə saatdan sonra dəmiryolu xəttində qatarların hərəkəti bərpa olunub.

Gürcüstan Dəmir Yolu İdarəsi hadisə ilə bağlı açıqlama verməyib. Aşan sisternlərin hansı şirkətə məxsus olduğu açıqlanmır.

Hazırda hadisənin başvermə səbəbi araşdırılır.