FHN açıqlama yaydı

Azərbaycanın Astara rayonunda baş verən güclü yanğın hadisəsi ilə bağlı Fövqəladə Hallar Nazirliyi açıqlama yayıb.

ANS PRESS-in məlumatına görə, bu haqda informasiyanı FHN-in Astara Rayon Yanğından Mühafizə Hissəsi yayıb.

Açıqlamada deyilir ki, yanğın zamanı xəsarət alan olmasa da, 1 çayxana 50 kv.m sahədə, ona bitişik olan mobil telefon satışı dükanının dam örtüyü 20 kv.m sahədə, meyvə-tərəvəz dükanının dam örtüyü 12 kv.m sahədə, ümumilikdə isə 82 kv.m sahə yanaraq yararsız hala düşüb. 12 mağaza, o cümlədən ikimərtəbəli 1 ticarət obyekti yanğından mühafizə olunub. Yanğın saat 22.00 radələrində tam lokallaşdırılıb.

Qeyd edək ki, hadisə avqustun 23-də axşam saatlarında rayonun Pensər kəndində ticarət obyektlərinin cəmləşdiyi ərazidə qeydə alınıb.

Yanğının söndürülməsi üçün hadisə yerinə 2 yanğın söndürən maşın və canlı qüvvə səfərbər olunub. Onların səyləri nəticəsində güclü alov dalğasının əhatə dairəsinin genişlənməsinin və yanğının digər bitişik ticarət obyektlərinə keçməsinin qarşısı alınıb.

Faktla bağlı araşdırma aparılır.