Tovuz və Şamaxıda yanğın

Tovuz və Şamaxı rayonları ərazisində yanğın baş verib.

ANS PRESS-in Ekologiya və Təbii Sərvətlər Nazirliyinə istinadla verdiyi məlumata görə, 19 avqust tarixində Tovuz və Şamaxı rayonlarının kənd bələdiyyələrinə məxsus bir neçə ərazisində yanğın hadisəsi baş verməsi nəticəsində quru ot örtüyü və kol kos yanıb.

Dərhal əraziyə cəlb olunmuş Fövqəladə Hallar Nazirliyinin Yanğından Mühafizə Xidmətinin əməkdaşlarının və Ekologiya və Təbii Sərvətlər Nazirliyinin yerli qurumlarının birgə səyləri nəticəsində yanğının meşə torpaqlarına keçməsinin qarşısı alınıb.

Hadisə nəticəsində meşə sahəsi yanğından mühafizə olunub.