Kataraktadan necə qorunmalı – ARAŞDIRMA

İspanaq, brokoli, yemiş kimi E vitamini ilə zəngin olan qidalar katarakta riskini azaldır. Axar.az xəbər verir ki, Çin alimləri təxminən 250 min insan üzərində aparılan E vitamini və katarakta arasındakı əlaqəni sübut edən 27 araşdırmanı qiymətləndirib. Araşdırma nəticəsində E vitamini ilə zəngin olan qidalardan istifadə edən şəxslərdə yaşla bağlı olan katarakta riskinin 27%-ə qədər azala biləcəyi açıqlanıb. E vitamini yemiş, quru paxla, toxumlar, ispanaq, yaşıl yarpaqlı tərəvəzlər, avokado, günəbaxan və qarğıdalı yağı kimi qidaların tərkibində mövcuddur. Katarakta göz büllurcuğunun görmə qabiliyyətinin zəifləşməsinə və korluğa səbəb olan donuqlaşması ilə nəticələnən xəstəlikdir.