Azərbaycanla İran arasında turizm turları təşkil oluna bilər

Azərbaycanla İran arasında birgə turizm turları təşkil oluna bilər.

Oxu.Az xəbər verir ki, bu barədə Xorvatiyanın Rovinj şəhərində keçirilən Birləşmiş Millətlərin Ümumdünya Turizm Təşkilatının Icraiyyə Şurasının 100-cü sessiyası çərçivəsində Mədəniyyət və Turizm naziri Əbülfəs Qarayev ilə İranın vitse-prezidenti, mədəni-irs, turizm və əl işləri təşkilatının rəhbəri Masud Sultanifar arasında keçirilən görüşdə bildirilib.

Görüşdə, həmçinin İran-Azərbaycan əlaqələrində mədəni irs və turizm sahələrinin əhəmiyyəti müzakirə edilib.

Bundan başqa, turizm sahəsində anlaşma memorandumunun yaxın vaxtlarda imzalanması üçün İranın vitse-prezidenti Bakıya dəvət olundu.

Nazir Ə. Qarayev yaxın vaxtlarda İranda Azərbaycan mədəniyyəti günlərinin keçirilməsi üçün hazırlıqlara başlanılacağını bildirilib.