Çeçenistanda toy: Polis rəisi azyaşlı ilə ailə qurdu – VİDEO+FOTO

Şənbə günü 17 yaşlı Luiza Qoylabiyeva Çeçenistanın Nojay-Yurtovsk Rayon Daxili İşlər Şöbəsinin rəisi Najud Quçiqova ərə gedib.

Oxu.Az Rusiya KİV-ə istinadən xəbər verir ki, ölkə başçısı Ramzan Kadırovu bu hadisəni “minilliyin təntənəsi” adlandıraraq, hətta toyda rəqs də edib.

Çeçen polis rəisinin şəxsi həyatına olan böyük maraq mətbuatda onun yetkinlik yaşına çatmayan qızla onun iradəsinə zidd olaraq ailə qurmaq istəməsi və Luizanı “ikinci arvad” etməyə çalışması barədə yazılar dərc olunandan sonra yaranıb.

Lakin sonradan gənc gəlin və onun qohumları jurnalistlərə müsahibələrində yaranmış vəziyyətin mətbuatda yazılanlardan fərqli olduğunu, Çeçen prezidenti Ramzan Kadırov isə toy ətrafındakı səs-küyün “hansısa liberallar tərəfindən” sifariş edildiyini bildirib.