Qorxunc rəqəm durmadan yüksəlir – VİDEO

Nepalin Pohara əyalətində baş verən güclü zəlzələ nəticəsində azı 879 nəfər həlak olub.

ANS PRESS-in məlumatına görə, bu barədə Frans Press agentliyi Nepalın daxili işlər nazirliyinə istinadən xəbər verir.

Məlumata görə, ölənlərin 20-si hindistanda, 10-u isə digər qonşu ölkələrdə həlak olanlardır. Bu, son 81 ildə Nepalda ən güclü zəlzələdir.

Zəlzələnin gücü rixter cədvəli ilə 7,9 bal təşkil edib. Sakinlər evlərini tərk edərək küçələrə çıxıblar. Güclü yeraltı təkanların təsirindən paytaxt Katmanduda bir neçə bina dağılıb, tikililərə aid divarlar uçub. Katmanduda yerləşən və YUNESKO-nun mədəni irs siyahısına daxil edilən Darahara məbədinin qülləsi də dağılıb.

Dağıntılar altında xeyli insanın qaldığı ehtimal edilir. Axtarışlar nəticəsində 1 nəfər sağ çıxarılıb. Xeyli sayda yaralı da var, lakin onların dəqiq sayı məlum deyil. ABŞ-ın geoloji tədqiqat mərkəzi zəlzələnin episentrinin yerin 31 kilometr dərinliyində olduğunu açıqlayıb. Yeraltı təkanların Hindistanın paytaxtı Dehlidə də hiss edildiyi bildirilir.