Rusiyada azərbaycanlılar bıçaqlandı

Rusiyada azərbaycanlılar bıçaqlanıb. ANS PRESS-in Rusiya mətbuatına istinadla verdiyi məlumata görə, hadisə Zelenoqraddakı kafelərdən birinin yaxınlığında baş verib.

Məlumata görə, şəhərdəki "Ulduzlu bulvar" (Звездный бульвар) adlanan kafedəki müştərilər arasında mübahisə baş verib.

Mübahisə nəticəsində başlayan dava zamanı 3 nəfər bıçaq yaraları alıb. Azərbaycanlılar ağır bıçaq xəsarətləri ilə xəstəxanaya yerləşdiriliblər.

Polis hadisənin hansı zəmində baş verdiyini müəyyən edir. Artıq zərərçəkənlər ifadə verib və onlara hücum edənlərin adlarını müəyyən edə biliblər.

Bıçaqlanan şəxslərin adı açıqlanmasa da onların yerli tikinti şirkətlərindən birinin işçiləri olduğu bildirilir.