Restoran qarşısında kütləvi dava

Sumqayıt şəhərində kütləvi dava baş verib. Sumqayıt şəhər Polis İdarəsindən ANS PRESS-ə verilən məlumata görə, hadisə 13-cü mikrorayon ərazisindəki restoranlardan birinin qarşısında baş verib.

Kütləvi dava zamanı bir nəfər bıçaqlanıb. Bıçaqlanan Zahid (Məmmədov-soyad dəqiqləşdirilməyib) adlı şəxsdir. Bıçaq xəsarətləri alan şəxsi xəstəxanaya yerləşdiriblər.

Hadisənin baş vermə səbəbləri barədə araşdırılma aparılır.

Fakt Sumqayıt şəhər Polis İdarəsi 3-cü polis bölməsində araşdırılır.