“Karat Holdinq”: “Tağıyevin evinin sökülməsinə aidiyyatımız yoxdur”

“Karat Holdinq” Bakıda Murtuza Muxtarov küçəsi, 190 ünvanında yerləşən və bir vaxtlar məşhur xeyriyyəçi Hacı Zeynalabdin Tağıyev tərəfindən inşa edilmiş tarixi binanın sökülməsinə aidiyyatının olmadığını bildirib.

Virtualaz.org-un redaksiyasına şirkət tərəfindən ünvanlanmış məktubda deyilir: “Birmənalı olaraq bildiririk ki, “Karat Holdinq”in sözügedən tikintiyə heç bir aidiyyatı yoxdur. Tikinti sahəsinin perimetri bpyunca vurulmuş plakatlardan məlum oldur ki, burada Azərbaycan İqtisad Universitetinin (UNEC) müasir tədris binası tikilir. Bizim bu tikintinin sifarişçiləri və podratçıları ilə bağlı məlumatımız yoxdur”.

Xatırladaq ki, virtualaz.org-da tarixi tikilinin sökülməsi ilə bağlı məqalə dərc edilmişdi.