Bülənt Ərsoyu ilan sancıb

Burcu Əsmərsoy, Safiyə Soyman və Banu Alkan ilə birlikdə “Dünya gözəllərim” adlı proqramın çəkilişləri üçün Hindistana yollanan Türkiyənin məşhur müğənnisi Bülənt Ərsoyu ilan sancıb.

Oxu.Az-ın Türkiyə KİV-nə istinadən verdiyi məlumata görə, 46 dərəcə istidə aparılan çəkilişlərin fasiləsində B.Ərsoy dincəlmək üçün çəmənliyə uzanıb. Bu zaman onu sol ayağından ilan sancıb. Ətrafdakılar köməyə gələrək ilanı öldürüblər.

Müğənni ilkin tibbi yardımdan sonra xəstəxanaya aparılıb.