Seksə görə vergi tətbiq ediləcək – 24 manat

Qazaxıstan Müsəlmanları Birliyi və Mərkəzi Asiya İnsan Hüquqları Müsəlman Komitəsi ölkədə cinsi əlaqə üçün vergi tətbiq etmək təklifi ilə çıxış edib. Komitə belə təşəbbüslə yabanı giləmeyvə və göbələk yığmaq üçün hökümətin nəzarətini təsdiqləyən qanundan sonra çıxış edib.

Femida.az Qazaxıstan mətbuatına istinadən xəbər verir ki, bu barədə məlumatı Komitənin rəhbəri Murat Telibekov öz feysbuk hesabında yaydığı məlumatda qeyd edib.Onun sözlərinə görə, hər bir Qazaxıstan vətəndaşı rəsmi nikah zamanı cinsi əlaqə üçün 584 təngə (təxminən 3 manat) pul ödəyəcək. Əgər cinsi əlaqə vətəndaş nikahı dövründə baş verirsə, bu məbləğ 748 təngə (təxminən 3.70 AZN) civarında hesablanacaq. Nikahdan kənar baş tutan cinsi əlaqələr zamanı vətəndaş 1893 təngə (təcminən 9.30 AZN) ödəməlidir.

Daha sonra qurum rəsmisi cinsi əlaqəyə görə ödənilməli olan verginin digər növləri barədə də məlumat verib. Belə ki, Qazaxıstanda cinsi əlaqəyə girmək istəyən cinsi azlıqlar 2741 təngə (13.50 AZN) ödəməlidirlər. Bu məbləğ qeyri-ənənəvi seks zamanı 4892 təngə (24 AZN) müəyyənləşdiirlib.

İrəli sürülən təklifdə həmçinin qeyd olunub ki, təqaüdçülər və əlillər üçün cinsi əlaqə vergisiz olacaq.Həmçinin xarici ölkənin vətəndaşları 50% güzəştlə intim münasibətlərdən istifadə edə bilər.