ABŞ-da müəlliməni şagirdləri ilə cinsi əlaqəyə görə mühakimə etdilər – FOTO

ABŞ-da məktəb müəlliməsini şagirdləri ilə seksə görə on il müddətinə azadlıqdan məhrum ediblər.

Oxu.Az xəbər verir ki, bu barədə BBC məlumat yayıb.

Məhkəmə müəyyən edib ki, Texas ştatının Frankston şəhərində işləyən 25 yaşlı Reyçel Bauer öz şagirdlərinə intim şəkillərini göndərirmiş. Bundan başqa hökmə müvafiq olaraq Bauer şagirdlərdən biri ilə cinsi əlaqəyə də girib.

Müəllimə həmçinin seksual zorakılıqda da təqsirkar bilinib və şərti olaraq on il müddətinə azadlıqdan məhrum edilib, cəzanın bu hissəsini Bauer həbsxanadan çıxdıqdan sonra çəkəcək. Bauerin özü günahını etiraf edib, 14,16 və 17 yaşlı üç şagirdi ilə cinsi əlaqəyə girdiyini bildirib.

İyulun əvvəlində digər amerikalı müəlliməyə qarşı çıxarılan hökm rezonans doğurmuşdu. 30 yaşlı Cenifer Fixter şagirdləri ilə seksə görə 22 il həbs cəzası almışdı.

Fixter şagirdlərin birinin anasının oğlunun telefonunda müəllimənin sevgi məktubunu gördükdən sonra həbs edilmişdi.

Bu, azyaşlıların seksə sövq edilməsində müəllimlərin ittiham edilməsi ilk dəfə deyildi. Belə ki, 2005-ci ildə Floridadan Debra Lafav 14 yaşlı oğlanı yoldan çıxardığına görə, ona cəza olaraq üç il ev həbsi və yeddi il sınaq müddəti verilib.