Siyəzənli balacaların böyük işləri – FOTO
Siyəzəndə “Balaca əllərin böyük işləri” adlı sərgi keçirildi
AzNews.info-nun məlumatına görə, 3 sentyabr 2016-cı il tarixində Siyəzən rayon Heydər Əliyev Mərkəzində Mədəniyyət Mərkəzi ilə birgə “Balaca əllərin böyük işləri” uşaqların əl işlərindən ibarət sərgi keçirildi. Tədbirdə ümumilikdə 40 nəfər iştirak edirdi. Tədbiri giriş sözü ilə Siyəzən rayon Mədəniyyət Mərkəzinin direktoru Ziyadə Dadaşova açaraq sərgi barədə fikirlərini dedi və balacaları bu sərginin təşkil olunması ilə əlaqədar təbrik edərək onların gələcəkdə daha da böyük sərgilərdə iştirak etmələrini dilədi. Sonra söz balaca rəssamların üzərində əməyi olan gənc rəssam Pəri Mirzəyevaya verildi. Gənc rəssam çıxış edərək onlara gələcəkdə hansı peşəni seçməklərindən asılı olmayaraq, çalışıb sevdikləri sənətlə məşğul olmaqlarını tövsiyyə etdi. Və, onlara bu yolda uğurlar arzuladı. Sonra Heydər Əliyev Mərkəzinin direktoru Ramilə Seyidova da balaca fidanların öz diliylə danışaraq bildirdi ki, rəssamların öz gözəl aləmi var, onlara bu gözəl, sehirli dünyalarında daha böyük uğurlar qazanmaqlarını, soraqlarının yaxşı yerlərdən gəlməsini arzuladı.
Mənbə:> AzNews.info