ƏDV və aksizlər üzrə gömrük daxilolmaları azalıb

Cari ilin iyun ayında Azərbaycan Dövlət Gömrük Komitəsinin (DGK) xətti ilə dövlət büdcəsinə 144793,65 min manat həcmində vergi və rüsumlar daxil olub ki, bu da 2015-ci ilin müvafiq dövrü ilə müqayisədə 4531,73 min manat, yaxud 3,23% çoxdur.

Oxu.Az Report-a istinadən xəbər verir ki, hesabat ayında dövlət büdcəsinə daxil olan gömrük rüsumlarının həcmi ötən ilin analoji dövrü ilə müqayisədə 20909,76 min manat, yaxud 53,12% artaraq 60270,79 min manat olub.

Həmçinin ƏDV üzrə daxilolmaların həcmi 17028,66 min manat, yaxud 18,36% azalaraq 75699,98 min manat, aksizlər 150,71 min manat, yaxud 2,37% azalaraq 6220,71 min manat, yol vergisi üzrə daxilolmalar isə 801,33 min manat və ya 44,50% artaraq 2602,17 min manat təşkil edib.