Dövriyyədə olan manat kütləsi artdı

2016-cı ilin iyun ayının 1-nə Azərbaycanda dövriyyədə olan manat kütləsinin (pul bazası) həcmi 7 milyard 641,6 milyon manat təşkil edib. Bu isə ötən ilin anoloji dövrü ilə müqayisədə 44,3 milyon manat və ya 0,58% çoxdur.

Bu barədə Oxu.Az Azərbaycan Mərkəzi Bankının (AMB) cari ilin may ayının yekunları ilə bağlı açıqladığı statistik məlumatlara istinadən xəbər verir.

Hesabata görə, cari ilin əvvəlindən isə dövriyyədə olan manat kütləsinin həcmi 739,8 milyon manat və ya 10,71% artıb.

Qeyd edək ki, cari ilin əvvəlində dövriyyədə olan manat kütləsinin həcmi 6 milyard 901,8 milyon manat, mart ayının yekunlarında, yəni aprelin 1-nə isə 6 milyard 535,8 milyon manat, aprel ayının yekunlarında isə 6 milyard 726,1 milyon manat təşkil edib.