Azərbaycanda pul kütləsi artdı

Azərbaycanın pul kütləsi son bir ayda 698,3 milyon manat artıb.

Oxu.Az-ın məlumatına görə, bu barədə Azərbaycan Mərkəzi Bankının (AMB) son yaydığı hesabatda deyilib.

Belə ki, bu ilin sentyabr ayının yekununa görə, Azərbaycanda pul kütləsi 7 milyard 50,4 milyon manat təşkil edib.

Bu da avqust ayının yekunu ilə müqayisədə 11% çoxdur. Bundan başqa, pul kütləsi ilin əvvəli ilə müqayisədə isə 38,9% azalıb.

Qeyd edək ki, avqustun sonunda pul kütləsinin həcmi 6 milyard 352,1 milyon manat olub.