Ermənistanda əhali üçün qazın qiyməti endiriləcək

İyulun 1-dən Ermənistanda təbii qaz tarifləri endiriləcək.

Oxu.Az-ın Ermənistan mətbuatına istinadən verdiyi məlumata görə, müvafiq qərar İctimai xidmətlər Komissiyasının iclasında qəbul olunub.

Bundan sonra əhali üçün 1 kubmetr qazın qiyməti 146 dram (0,3 dollar) olacaq.

Qərarın verilməsinə Rusiyanın aprelin 7-də Ermənistan üçün satılan qazın qiymətini 150 dollar müəyyənləşdirməsi səbəb olub. Bundan öncə Ermənistan Rusiyadan qazın 1000 kubmetrini 165 dollara alırdı.