Moskvada “Bentley”ni sahibəsi ilə birgə qaçıranlar tutuldu – VİDEO

Moskva polisi şəhərin mərkəzində “Bentley Continental” avtomobilini sahibəsi ilə birgə oğurlayan şəxsləri saxlayıb.

Oxu.Az xəbər verir ki, bu barədə TASS-a hüquq-mühafizə orqanlarından məlumat verilib.

“Keçirilən xüsusi əməliyyat zamanı, avtomobili qaçıran şəxslər saxlanılıb, nəqliyyat vasitəsinin sahibəsi azad edilib", - agentliyin sözçüsü deyib.

Hal-hazırda cinayət işinin başlanması barədə məsələ həll olunur.

16:26

Moskvanın mərkəzində naməlum şəxslər qara rəngli “Bentley Continental” avtomobilində gənc qızı qaçırıblar.

Oxu.Az xəbər verir ki, bu barədə LifeNews-a hüquq-mühafizə orqanlarındakı mənbə məlumat verib.

Mənbənin məlumatına görə, qızı avtomobilin yük yerinə zorla salıblar.

Şahidlərin sözlərinə əsasən, hadisə Moskvanın Myasniçk küçəsində baş verib. Sonradan “Е935АН77” dövlət nömrə nişanlı avtomobil “Lubyanka” metro stansiyası tərəfinə istiqamətlənib.

Polis şübhəli şəxslərin saxlanılması istiqamətində əməliyyat-axtarış tədbirləri həyata keçirir.