Bakıda Yunan mədəniyyətinə həsr olunmuş sərgi baş tutdu – FOTO

Martın 6-da Bakıda, İtalyan Mərkəzində "Ellada"/"Hellas" adlı sərgi keçirilib. Qədim Yunan mədəniyyətinə həsr olunan sərgidə Tofiq İsmayılov adına uşaq-gənclər yaradıcılıq mərkəzinin gənc rəssamları öz əl işlərini təqdim ediblər. AzNews.info xəbər verir ki, nümayiş olunan əsərlərdə -rəsm,qrafika, eləcə də batika, keramika üzərində Qədim Ellada incəsənəti əks olunub.Tədbir Yunanıstanın Azərbaycandakı səfirliyinin “ARGO” Yunan cəmiyyəti təşkilatçılığı, Azərbaycan-İtaliya Assossiyasiyasının dəstəyi ilə keçirilib. Tədbirdə Bakıdakı

İtaliya Mərkəzinin direktoru Paola Casagrande, Yunanıstanın ölkəmizdəki səfiri Dimitrios Tsounqas, Tofiq İsmayılov adına Uşaq-Gənclər Yaradıcılıq Mərkəzinin direktor müavini Nadejda Portnova və layihə rəhbəri Qalina Çurilova çıxış edib.

Martın 11-dək davam edəcək sərginin açılış mərasimində tələbələr öz əl işlərinə görə mükafatlandırılıb.