Yolunuzu dəyişin - 5 saylı marşrut kimi

“Fevralın 4-ü axşam saatlarından etibarən Bakının müəyyən küçələrində avtomobillərin hərəkətinə qoyulmuş qadağa fevralın 6-sı səhər saatlarınadək davam edəcək.

ATV.az-ın məlumatına görə, bu barədə məlumatı "BakuBus"-ın mətbuat xidmətinin rəhbəri Nuridə Allahyarova bildirib. N.Allahyarova bildirib ki, bu səbəblə 5 saylı marşrut xəttininin hərəkət istiqamətində müəyyən dəyişikliklər olub: “5 saylı marşrut avtobuslarımız 20-ci sahədən Azneft meydanına qədər, əks istiqamətdə isə Nərimanov metrostansiyasının önündən Sahil metrostansiyasının önünə qədər hərəkət edəcək”.

Qeyd edək ki, yarışdan öncə salınacaq və “Formula 1” yarışı standartına cavab verən yenilənmiş yollar daimidir. Bu yollar Qran Pridən sonra paytaxt sakinlərinin istifadəsində olacaq.