Xərçəng Selin Dionun daha bir ailə üzvünü öldürdü

Onun dəfni yanvarın sonunda keçiriləcək.

Müğənni Selin Dionun qardaşı Daniel Dion 59 yaşında xərçəngdən dünyasını dəyişib, Oxu.Az Le Journal De Montreal-a istinadən xəbər verir.

Müğənninin böyük bacısı Klodett qardaşlarının istedadlı musiqiçi olduğunu bildirib.

“Onu xoşbəxt edən şey musiqinin yaradılması idi. Qardaşımın bülbül səsi var idi”, - deyə, o, bildirib.

Onun dəfni yanvarın sonunda keçiriləcək. Qeyd olunur ki, Daniel Dion ailəsində 14 uşaqdan 8-ci olub.

Qeyd edək ki, bir neçə gün əvvəl Selin Dionun əri və meneceri Rene Anjelil də xərçəngdən ölmüşdü.