Azərbaycandan olan çaqqal “Aeroflot”da işini bitirdi – FOTO

Rusiyanın “Aeroflot” şirkəti 2008-ci ildə Azərbaycandan aldığı və yaxşı iybilmə qabiliyyətinə malik itlərin yetişdirilməsi üçün istifadə etdiyi İki ləqəbli dişi Asiya çaqqalını Moskva zooparkına bağışlayıb.

Oxu.Az bu barədə "İnterfaks"a istinadla xəbər verir.

“İki “aviasiya karyerasını” bitirir və Moskva zooparkının sərəncamına keçir”, - deyə, “Aeroflotdan” cümə axşamı bildiriblər.

“Aeroflot”dan bildiriblər ki, 2008-ci ildə Bakı zooparkı üç ədəd biraylıq Asiya çaqqalı küçüyünü Sulimov cinsindən olan xidməti it almaq üçün aviaşirkətə təqdim edib.

Sulimov cinsindən olan it daha yaxşı iybilmə qabiliyyətinə malikdir.

Həmin itlərdən biodetektor qismində istifadə edirlər.

“Sulimov it cinsi arktik laykanın və Şimali Qafqaz çaqqalının cütləşdirilməsi yolu ilə alınır və çətin axtarış işlərini aparmaq üçün istifadə olunur. Şimal laykasından itə insana bağlılıq, intellekt və soyuğadavamlılıq, çaqqaldan isə daha yaxşı iybilmə keçib”, - deyə, məlumatda bildirilir.

Hazırda “Aeroflot”un kinoloji xidmətinin itləri arasında İkinin nəvələri də var.