ABŞ Azərbaycandan neft məhsullarının idxalını artırıb

ABŞ-ın Azərbaycandan neft məhsullarının idxalını artırıb

2015-ci ilin ilk rübündə ABŞ Azərbaycandan 449 min barel neft məhsulları idxal edib. Bu barədə ABŞ-ın Dövlət Enerji İnformasiya İdarəsi (EIA) məlumat yayıb.

Ötən ilin ilk rübündə ABŞ Azərbaycandan neft məhsulları idxal etməyib.

2014-cü ildə ABŞ-a Azərbaycandan neft məhsullarının idxalı 484 min barel təşkil etmişdi. 2013-cü ilin analoji dövründə bu göstərici 336 min barel olmuşdu.

2009-cu ildən davam edən uzun fasilədən sonra 2012-ci ildə ABŞ Azərbaycandan neft məhsullarının tədarükünü bərpa edib.

2008-ci ildə ABŞ-a 308 min barel Azərbaycan istehsallı neft məhsulları tədarük olunmuşdu.