Şok: Londonda neft tapıldı

İngiltərənin paytaxtı Londonun şəhərətrafında nəhəng neft ehtiyatları tapılıb. ANS PRESS-in məlumatına görə, Qatvik aeroportu ərazisində tapılan ehtiyatlar 100 milyard bareldir.

Son 40 il ərzində Şimal dənizində iki dəfə bundan daha az neft çıxardılıb. Bu cür qiymətləndirməni neft kəşfiyatı sahəsində fəaliyyət göstərən Britaniyanın UKOG şirkəti verib. Müqayisə üçün, Rusiyanın ümumi təsdiq edilmiş ehtiyatlarının həcmi təxminən 80 milyard barel təşkil edir.

Bundan öncə Britaniya geoloji xidməti Qatvik rayonunda neftin maksimal həcmini təxminən 8-9 milyard barel səviyyəsində qiymətləndirmişdi.

UKOG qeyd edib ki, regionda on qat daha çox həcmdə neftin tapılmasına son 30 il ərzində ən dərin quyunun qazılması nəticəsində müvəffəq olunub.