İtkin düşən neftçalalı balıqçılar İranda tapıldı

Avqustun 10-da Xəzərdə itkin düşmüş 4 neftçalalı balıqçı tapılıb.

AzNews.info xəbər verir ki, bu barədə virtualaz.org-a itkin balıqçılardan birinin qohumu, Neftçala rayon sakini Tanrıverdi Əliyev məlumat verib.

T.Əliyev bildirib ki, Neftçala rayonunun Qoltuq kənd sakinləri olan 4 balıqçı sağ-salamatdır:

“Həmin 4 nəfərin ailələrinə verilən məlumata görə, onlar İran İslam Respublikasının Sərhəd Xidmətinin əməkdaşları tərəfindən saxlanılıblarmış və hazırda İrandadırlar”.